Bhor Suhani

Oas ki boondo'n se bheegi ye narm mulayam hariyali

Phool bichhakar aate din ka swagat karti har dali

Harsingar ki Kesariya Moti se saji ye rangoli

Shub Prabhat ka geet sunati vihgo'n ki madhurim boli

Dhund ki chadar halke halke naram dhoop se pighal rahi

Nisha vida le rahi, usha dheere se ghar se nikal rahi

Sooraj ki swarnim garima ne andhkar ke pat khole

Phool phool par jhoom jhoom madhu peekar dhund bhramar dole

Madhu gandh lutata mand sameer banaye man ko bhav-vibhor

Roj hi aaye phir bhi nayi ye Kitni Suhani Bhor 

Kranti